جابز وکٹوریا ملازمت کے متلاشی افراد کی مدد کرتا ہے اور ایمپلائرز کو ان کے لئے ضروری عملے سے ملواتا ہے۔

جابز وکٹوریا کی خدمات

جابز وکٹوریا ایڈووکیٹس (وکلاء) مقامی کمیونٹیز، جیسے لائبریریوں، کمیونٹی سنٹرز، اسپورٹس کلبز، عوامی رہائش گاہوں اور شاپنگ سنٹرز میں ملازمت کے متلاشی وکٹورینز کو ایسے افراد سے رابطے میں لاتے ہیں جن کے پاس ان کے لئے مناسب معلومات، معاونت اور تربیت دستیاب ہو۔ ریاست بھر کی تنظیمیں ہمارے وکلاء کی پیش کش کرتی ہیں۔ ہمارے نقشے میں درج میزبان تنظیموں میں سے کسی سے رابطہ کر کے جانیں کہ وکلاء کب اور کہاں کام کر رہے ہیں۔

جابز وکٹوریا مینٹورز (استاد) افراد کو کام کے لئے تیار کرنے اور مناسب ملازمت تلاش کرنے میں معاونت کرتے ہیں اور ان کو ملازمت کے پہلے چھ ماہ کے دوران اپنا کردار ادا کرنے میں مدد دیتے ہیں۔ جابز وکٹوریا پارٹنرز (شراکت دار) مقامی ایمپلائرز کے ساتھ کام کر کے ان کی کاروباری ضروریات شناخت کرنے میں ماہر ہیں اور مینٹورز ایمپلائرز کو ان کے کاروبار کے لئے درست مہارتوں اور صلاحیتوں کے حامل امیدواران سے ملاتے ہیں۔

جابز وکٹوریا کریئر کاؤنسلرز (مشیر) ملازمت کے متلاشی یا کریئر تبدیل کرنے کی کوشش میں مصروف افراد کو کریئر کی رہنمائی فراہم کرتے ہیں۔یہ لوگوں کو ان کے کریئر کے اختیارات سمجھنے میں مدد دیتے ہیں اور ان اختیارات کے حصول کے لئے ضروری آلات اور اعتماد فراہم کرتے ہیں۔

جابز وکٹوریا آن لائن ہب ایک مفت سروس ہے جو کہ ایمپلائرز کو ہنر مند مقامی امیدواروں سے ملاتی ہے۔ ملازمت کے متلاشی افراد رجسٹر ہو کر اپنے مقامی علاقے میں ایمپلائرز کی پوسٹ کی گئی آسامیوں کے لئے درخواست بھیج سکتے ہیں۔ ایمپلائرز اپنی کمیونٹی میں ہنر مند اور تیار امیدواران تلاش کر سکتے ہیں۔

جابز وکٹوریا فنڈ وکٹورین کاروباروں کو ہر نئے اہل ملازم کے لئے 20,000 ڈالر تک تنخواہوں کی سبسڈیز فراہم کرتا ہے۔ اس مالی معاونت کے ذریعے ایمپلائرز اپنے کاروبار کو فروغ دینے کے لئے افراد بھرتی کر سکتے ہیں۔

جابز وکٹوریا ہاٹ لائن 1300 208 575 ملازمت کے متلاشی افراد اور عملے کے متلاشی ایمپلائرز کو فون پر مشورہ اور معلومات فراہم کرتی ہے۔

اگر آپ کو ترجمان کی ضرورت ہے تو آپ جابز وکٹوریا کی ہاٹ لائن کو 1300 208 575 پر براہ راست کال کر سکتے ہیں (پیر تا جمعہ صبح 9 تا شام 5 بجے) اور ہم تحریری و زبانی ترجمے کی قومی سروس (TIS) سے رابطہ کروا دیں گے، یا TIS کو 450 131 پر کال کریں اور وہ ہماری ہاٹ لائن ملا دیں گے۔