وظايف فيكتوريا بتقدم دعم للناس البفتشو شغل وبيلمو أسياد الشغل بالناس البفتشو للشغل

خدمات فيكتوريا للوظائف

الناس البتدافع عن الوظائف في فيكتوريا بيدعمو ناس فيكتوريا البفتشو لي شغل في الحتات العامه زي المكتبات والاماكن العامه ونوادي الرياضة وبيوت الحكومة والأسواق عشان يدو الناس المعلومات ويدعم هم ويدربوهم. الناس البدافعو عن الوظائف دي بتستضيفهم منظمات في كل حته في الولايه. اضرب لي أي منظمه مستضيف قاعده في الخريطه حقتنا عشان تعرف الناس دي شغاله وين منين.

المشرفين عن الوظايف في فيكتوريا بيساعدوالناس انهم يكونو جاهزين للشغل. ويلقو وظايف مناسبه ليهم ويدعموهم في اول ستة شهور. شركاء فيكتوريا متخصصين في الشغل مع اصحاب الوظايف عشان يشوفو احتياجات الشغل حقهم. والمشرفين بيشتغلو كرابط بين اصحاب الوظايف والناس المرشحين للشغل العندهم مهارات وامكانيات انهم يشتغلو في الشركات دي.

الاستشاريين الوظيفيين في فكتوريا للوظايف بينصحو الناس البفتشو شغل او دايرين يغيرو حياتهم الوظيفية. بيفهموهم الخيارات العندها علاقة بيهم. ويدوهم الحاجات المحتاجينها والثقه عشان يوصلو للدايرنو.

مركز فيكتوريا للوظايف بيوفر خدمة مجانية عن طريق النت عشان يلمو اصحاب الوظايف مع الناس البفتشوهم والعندهم مهارات كافيه. الناس البتفتش شغل ممكن يسجلو في المركزويقدمو طلب للوظايف الناشرينها أصحابها في الحته الهم فيها.

صندوق فيكتوريا للوظايف بيوفر للشركات مساعدات في المرتبات بتصل لحد 20,000 دولار لي كل موظف جديد وعندو مؤهلات. وعن طريق الدعم المادي ده اصحاب الوظايف ممكن يشغلو ناس يكبرو ليهم شركاتهم.

اتصل بالرقم حق الاستفسارات تبع وظايف فيكتوريا 575 208 1300 لو عندك اي استفسار او معلومات سواء انت صاحب وظيفة داير موظفين أو موظف بتفتش شغل.

لو انت داير زول يترجم الكلام البيتقال. اتصل طوالي بالرقم حق وظايف فيكتوريا 575 208 1300 من الساعه (9 صباح لي 5 عصر) وحنتواصل مع المترجمين (TIS) او اتصل على ديل في الرقم 450 131 وهم حيضربو لينا في رقمنا بتاع الرد السريع.