د ویکټوریا دندې (Jobs Victoria) د هغه خلکو ملاتړ کوي چې کار لټوي او کارګومارونکي د هغوی د اړتیا وړ د کارمندانو سره نښلوي.

د ویکټوریا دندې (Jobs Victoria) خدمتونه

د ویکټوریا دندې (Jobs Victoria) د ویکټوریایانو کارلټونکیو سره په ځایی ټولنو کې – په کتابتونونو، د ټولنې مرکزونو، د سپورت کلبونو، عامه استوګنځیو او د پیرود مرکزنو کې ملاتړ کوي – ترڅو خلک د هغوی لپاره د مناسب معلوماتو، ملاتړ او روزنې سره ونښلوي. زموږ د وکیلانو کوربه توب سازمانونه په ټول ایالت کې کوي. پدې اړه د معلوماتو لپاره چې کله او چیرې وکیلان فعالیت کوي زموږ نقشه کې ورکړل شوي د کوربه سازمانونو څخه یوه سره اړیکه ونیسئ.

د ویکټوریا دندې (Jobs Victoria) روزونکي خلکو سره مرسته کوي چې د کار لپاره چمتو شي، د خپل ځان لپاره مناسب دنده پیدا کړي، او په لومړیو شپږ میاشتو کې د هغوی دنده کې د هغو ملاتړ کوي. د ویکټوریا دندې (Jobs Victoria) شریکان سوداګریزو اړتیاو په ګوته کولو کې د ځایی کارګومارونکو سره کار کولو کې تخصص لري، او روزونکي کارګومارونکي د صحیح مهارتونو او ظرفیت لرونکي نوماندانو سره وصل کوي چې د هغوی سوداګرۍ کې کار وکړي.

د ویکټوریا دندې (Jobs Victoria) د شغل مشاورین هغه خلکو ته د شغل په اړه لارښوونه کوي څوک چې د کار لټون کوي یا غواړي شغل بدل کړي. هغوی د خلکو سره مرسته کوي چې د خپل شغل انتخابونو باندې پوهه شي او هغوی ته د نوموړي شغل په تعقیب کولو کې اړین وسایل او ډاډ برابروي.

د ویکټوریا دندې (Jobs Victoria) آنلاین هب وړیا خدمت دی چې کارګومارونکي د مهارت لرونکي ځایی نوماندانو سره مخ کوي. د کار لټونکونکي خلک کولی شي نوم لیکنه وکړي او په خپله سیمه کې د کارګومارونکو لخوا اعلان شوي دندو لپاره غوښتنه وکړي. کارګومارونکي کولی شي په خپله ټولنه کې د مهارت لرونکي، چمتو نوماندانو لټون وکړي.

د ویکټوریا دندې (Jobs Victoria) فنډ د ویکټوریا سوداګریو ته د هر نوي په شرایطو برابر کارمند لپاره تر 20,000 ډالرو پورې د معاش سبسایډي برابروي. دې مالي مرستې سره کارګومارونکي کولی شي د خپلو سوداګریو د ودې لپاره خلک په دندو وګوماري.

د ویکټوریا دندې (Jobs Victoria) هاټلاین 575 208 1300 د کار لټون کونکي خلکو او د کارمندانو لټون کونکي کارګومارونکو ته د تلیفون له لارې مشوره او معلومات ورکوي.

که تاسې ژباړونکي ته اړتیا لرئ، تاسې کولی شئ د ویکټوریا دندې (Jobs Victoria) هاټلاین ته مستقیم په 575 208 1300 زنګ ووهئ (د سهار 9 تر ماښام 5 بجې، دوشنبه تر جمعه) او موږ به تاسې د تحریري او شفاهي ژباړې ملي خدمت (TIS) سره ونښلوو، یا TIS ته په 450 131 شمیره تلیفون وکړئ او هغوی به زموږ هاټلاین ته تلیفون وکړي.