Lät Victoria (Jobs Victoria) luäk kɛn nɛy tin go̱o̱r lät kä jakɛ nɛy tin mooc naath lät kä ɣöö bikɛ la̱a̱t tin go̱o̱rkɛn kɛ jek.

Lät Victoria tin la̱tkɛ (Jobs Victoria Services)

Nɛy tin luäk naath kɛ jek lätni kä Victoria (Jobs Victoria Advocates) luäk kɛn ji̱ Victoria tin go̱o̱r lät rɛc wi̱i̱ni̱ – gua̱th buɔkni ŋäcä ŋɔani, gua̱th duɔ̱ɔ̱li wi̱i̱ni̱, gua̱th ŋa̱a̱ri, duel ciɛŋä rɛc we̱c kɛnɛ gua̱th ko̱kä – ti ba naath luäk kɛ lääri, luäk kɛnɛ ŋi̱i̱c mi lot rɔ kɛ kɛ. La̱a̱tkɔ tin luäk naath kɛ kui lätni nyuɔ̱ɔ̱r kɛ kɛ ɛ manädhämɛni tin te rɛc we̱c. Ruacni kɛ manädhämɛ kɛl kä tin nyuur naath mi te̱ guäth in te̱ nyinkɔ thi̱n bi cäŋ kɛnɛ gua̱th in cieŋ la̱a̱t tin luäk naath thi̱n ŋa̱c.

Nɛy tin luäk naath kɛ jek lätni kä Victoria (Jobs Victoria Mentors) luäk kɛn naath kɛ ɣöö bikɛ te̱ jenä kɛ la̱t, ba lät tin go̱rkɛ kɛ lo̱ckiɛn jek, kä luäk kɛn kɛ rɛc lätnikiɛn kɛ kɔr päthni da̱ŋ ba̱kɛl tin nhiam. Nɛy tin luäk naath kɛ gör lätni kä Victoria (Jobs Victoria Partners) lät kɛn ɛ lɔ̱ŋ kɛɛl kɛnɛ nɛy tin mooc naath lät rɛc we̱c kɛ ɣöö ba min go̱o̱r kɛnɛ jek, kä cuɔ̱ɔ̱m nath jak kɛn nɛy tin mooc naath lät kä ɣöö bikɛ la̱a̱t tin go̱o̱r kɛn kɛ jek kä lotrɔ̱ kɛ la̱t kɛ kɛ kɛɛl.

Nɛy tin luäk naath kä com naath kɛ ta̱a̱ lätni kä Victoria (Victoria Career Counsellors) käm kɛn com nɛy tin go̱r lät kiɛ nɛy tin go̱r ger lätnikiɛn. Jak kɛn naath kä liŋ kɛn lätkiɛn tin de̱e̱ kɛn kɛ la̱t kä mocɛ kɛ kɛ kuak kɛnɛ buɔ̱m min görkɛ ni ɣöö ba lät ni kɛ.

Lät Victoria tin te rɛc jɔam (Jobs Victoria online hub) ɛ gua̱th mi luäk nɛy tin mooc naath lät kä ɣöö bikɛ nɛy tin go̱o̱r kɛnkɛ, kɛ lɔcdiɛn jek. Nɛy tin go̱o̱r la̱t derɔ̱ gɔ̱a̱r piny kä derɔ̱ cuŋ kɛ gua̱th lätni tin ca pua̱t ɛ ji lätni rɛc dhɔariɛn. De̱e̱ ji lätni nɛy tin te̱ kɛ lua̱ŋ, kä te̱ jenä kɛ la̱t rɛc we̱c go̱r.

Gua̱th lua̱k nath kɛ kui lätni kä Victoria (Jobs Victoria Fund) mocɛ ji lätni kä Victoria kɛ yio̱w ti̱ $20,000 kä ram kɛl mi ji dit mi ci la̱t jek. Kɛ jɛn luäk yio̱ni nɛmɛ, ji lätni de̱ kɛn naath gɔ̱a̱r piny ti de̱kɛ luäk kɛ ɣöö dëë lätkiɛn jakä pith.

Räkäm in lotni lät Victoria 1300 208 575 tho̱pɛ com kɛnɛ lääri rɛc ja̱a̱thkä kä nɛy tin go̱o̱r lät kɛnɛ ji lätni tin go̱o̱r la̱a̱t.

Mi̱ go̱o̱ri ram de ji luɔ̱c thok, de̱ri räkäm in lotni lät Victoria yɔ̱tdikä kä 1300 208 575 (9am-5pm, Jiec la̱t ɛ wëë kä dhieec lätni) kä bi nɛy mat kɛ nɛy tin luɔc kɛ thuk kä wargakni kɛnɛ nɛy tin luɔ̱c kɛ naath thok kɛ jɔw rɛc wec (Translating and Interpreting Service National) (TIS), kiɛ yɔ̱tni TIS kä 131 450 kä bikɛn räkämda yɔ̱tdikä.