Jobs Victoria (Hakha Chin)

Jobs Victoria nih rian a kawlmi pawl a bawmh hna i rainngeitu pawl nih an herhmi rianttuantu kawlnak zong a bawmh hna.

Na umnak pawng i Jobs Victoria in mah kong a thiammi na ton khawh. Online le phone in bawmhnak, hngalhnak le ruahnak kan pek.

Jobs Victoria nih rian a kawlmi pawl an bawmh hna

Rian na kawl maw? Hi a lak in rian ttuanpiaknak nih an bawmh khawh.

Jobs Victoria Bawmchantu pawl

Jobs Victoria Bamchantu nih na rian kawlnak ah an bawmh khawh. Bawmchantu nih:

• rian na hmuhnak dingah bawmhnak, tinttan pek asilole fimthiamnak na herhmi hmuh ding an bawmh
• Jobs Victoria online hub in rian na kawl nak ah an bawmh khawh
• rian na hmuhkhawhnak ding caah thawngpang peknak
• bawmhnak petu adang pawl, tahchunhnak ah inn umnak lei bawmhnak asilole ruahnak petu, he pehtlaihnak tuah piak.

Bawmchantu chawnhnak ah, Jobs Victoria hotline kha 1300 208 575 ah chawn asilole na pawngi a ummi Bawmchantu kha kan map hmang in zoh in kawl.

Jobs Victoria Lamhruaitu pawl

Jobs Victoria Lamhruaitu pawl nih caan saupi rian a rak kawl cangmi hna kha a bawmh hna. Rian kawlnak caah hawi nak in a har deuhmi dawnkhaantu a tongmi pawl zong kha an bawmh hna. Lamhruaitu nih:

• rian caah naa timtuahnak ah an in bawmh khawh
• na konglam (resume) tial piak le rian sok piak khawh
• rian biahalnak (interview) na tuahnak caah timhtuahnak in an bawmh khawh
• rian thar na ttuan a hmasa bik thla ruk chung bawmh an in bawmh khawh.

Lamhruaitu chawnhnak ah, Jobs Victoria hotline kha 1300 208 575 ah chawn asilole na pawn i a ummi Lamhruaitu kha kan map hang in kawl.

Jobs Victoria Rian Kong Ruahnak Petu Pawl

Jobs Victoria Rian Kong Ruahnak Petu Pawl pawl nih rian a kawl lio mi, rian tam deuh a herhmi asilole pawcawmnak rian thlen a duhmi hna an bawmh hna. Rian Kong Ruahnak Petu nih:

• na pawcawmnak rian caah timhtuahnak pek in bawmh
• na thiamnak le thazaang pawl i fian ding in an bawmh khawh
• rian soknak naa timhtuahnak ah an bawmh khawh
• a dang rian lei bawmhchannak petu pawl he pehtleihnak an tuah piak khawh.

Na pawng ah a ummi Rian Kong Ruahnak Petu na ton khawh asilole online asiloah phone in appointment na tuah khawh hna. Rian Kong Ruahnak Petu he tonnak caan laknak caah 1800 967 909 chawnh.

Jobs Victoria online hub

Jobs Victoria online hub cu rian kawl le rian sawknak caah a lak in bawmhnak petu an si.

Rian kawlnak ding caah kaa hin hmet.

Rian sawknak caah, min pek a hau Minpeknak cu a reng i a fawimi te asi. Kaa hin min pe.

Online hub ah min na pek dih hnu ah, na huammi le na umnak he aa tlakmi rianthar kongpawl theihternak na sin a phaan lai.

Jobs Victoria hotline

Rian kawlnak caah bawmh na herh ahcun asilole Jobs Victoria rian ttuanpiaknak he pehtlai in biahalnak na ngeih ahcun, 1300 208 575 ah chawn (zing 9- zaanlei 5, Nikhatni in Ningani tiang).

Chawleh chawhrawl pawl (businesses) caah Jobs Victoria Rian nih ttuanpiakmi pawl

Jobs Victoria online hub

Jobs Victoria online hub cu chawleh chawhrawl pawl (businesses) nih rianttuantukawlnak ah le rian auhnak ca pawl taarnak caah a lak in rian ttuanpiaknak hmun asi. Nna chawleh chawhrawlmin pek nak ah le rianttuantu (staff) kawlnak caah ka hin hmet.

Rianttuantu kawl bawmhnak

Job Victoria Partners nih na chawleh chawhrawlnak i aherhmi riantuantu kawl (an bawmh khawh. Riantuantu kawl man a lak in hmuhnak caah na pawng i a ummi Jobs Victoria Partner khakawl. Rianttuantu kawl man a lak in hmuhnak caah na pawng i a ummi Jobs Victoria Partner kha kawl:

• Jobs Victoria Partner kha partners map tinak zawn ah khan kawl
• Jobs Victoria hotline ah chawn 1300 208 575 asilole info@jobs.vic.gov.au ah email kuat in pehtlai hna

Job Victoria Partners nih na rianttuantu thar pawl cu na rianttuannak hmun i rian an thawknak ah an tlamtlinnak lai cawnpiaknakle lamhmuhsaknak pek in an in bawmh khawh.

Jobs Victoria hotline

Rianttuantukawl na herh asilole Jobs Victoria rian ttuanpiaknak pawl kong biahal na duh ahcun, Jobs Victoria hotline 1300 208 575 ah chawnh khawh asi (zing 9-zaanlei 5, Nikhatni in Ningani tiang)

Holhlettu rian ttuanpiaknak pawl

Holhtlettu na herh ahcun:

• Jobs Victoria hotline 1300 208 575 ah chawn (zing 9- zaanlei 5, Nikhatni in Ningani tiang) law Calehnak le Holhlehnak Rian Tttuanpiaknak Hmun Translating and Interpreting Service National (TIS) he kan in pehtlaih ter lai.
• Asilole 131 450 ah TIS chawn hna law kan hotline ah an rak kan chawnh lai.