Lady on laptop

اگه شیمو ده ویکتوریا بلده کار می گیردین، مرکزکاریابی ویکتوریا می تنه شموره کمک کنه.

مو مردما ره رقم رقم خدمات و کمک، به گونه روی ده روی، آنلاین و تیلفونی بلده کار پیدا کدو و فرصت های آموزشی فراهم مونی.

روی-ده روی

نماینده ها، مشاورین و متخصصین کاری مرکز کاریابی ویکتوریا می تنن که شیمو ره کمک کنه که بلده کار آماده شونین و شیمو ره ده مراکز کمکی ومعلوماتی اضافی معرفی کنن. کمک ره ده منطقه خودون خو پیدا کین.

از طریق تیلفون

بلده دسترسی پیدا کدوی مشوره و معلومات ده زبون خودون خو مرکز کاریابی ویکتوریا ره ده شماره 575 208 1300 زنگ دین.v

آنلاین

بلده فرصت های کاری خودون خوره ده  بخش آنلاینی مرکز کاریابی ویکتوریا . ثبت نام کنید. طریقه ثبت نام کدو ره ده امزی صفه پیدا کده می تنین.

چی رقم می تنید که بلده فرصت های کاری در بخش آنلاین مرکز کاریابی ویکتوریا ثبت نام کنید

1. ثبت نام کنید

ده jobs.vic.gov.au/findwork بورید

′I’m looking for work′ ره انتخاب کنید

′Apply for work′ ره کلیک کنید

ای شیمو ره ده بخش آنلاین مرکز کاریابی ویکتوریا خاد برد.

2. حساب نو خوره جور کنید

مشخصات خوره به شمول نمره تیلفون وایمیل دقیق خونوشته کنید.

′Start registration′ ره انتخاب کید.

3. ده باره اجازه کار خو قد مو بوگین

بلده مستحق بودو باید ده آسترالیا اجازه کار دشته شید

اگر شیمو اینجی ده ویزه استید، توخ کنید که اجازه کار شیم محدود نباشه

موره گفته می تنید که ده یک هفته چند سات کار می تنید، و چند دیر شده که بلده کار میگردید.

4. گذشته کاری و تحصیلات،کسب و کار

اینجی فرصت میسر استه بلده شیم که مهارت وتجربه خوره بلده صاحیب کار احتمالی خو نشان بیدید

هر چه قدر زیاد جزئیات که شامل می تنید کنید تا که مطمئین شونید که قد تمام کارای که بلده از شیمو مناسب استه وصل شونید.

درجه تحصیلی خوره انتخاب کید. ده باره تحصیلات و کسب و کار شیم شاید از شیمو معلومات زیادتر بیخوایه.

کارای که ده گذشته کیدید به شمول نوع و صنعت کاری ره نوشته کید. بلده مثال ′Common roles′ ره توخ کنید.

بلده نوشته کدون کارای گذشته خو بله ′Add experience′ کلیک کید. هرقدر کارو صنعت کاری ره که می تنید نوشته کنید. ای بلده ازی خوب استه که صاحیب کارا می تنه تمام تجربه های از شیمو ره بینگرنه و فرصت های کاری ره که شیمو ره قد ازونا معرفی کنه زیاد مونه.

ای ره هم گفته می تنید که اگر ده اگو صنعت کاری که ازی پیش کارنکدید و حالی شوق درید که کار کنید.

5. تنوع و گنجایش

ده باره خودخو و سابقه خو بلده ازمو زیادتر بوگید. ای موره کمک مونه که بوفامی مرکز کاریابی ویکتوریا چی کسا ره کمک مونه تا که مو مطمئن شونی که خدمات و معلومات لازم ره مهیا کنی.

شیمو مجبور نیستید که ای سوالا ره جواب بیدید. اگر جواب بیدید، هر معلومات که شیمو میدید تشکی مومنه و قد صاحیب کارا شریک نموشه.

6. درخواست شیم رسید

یکدفه که شیمو فارم را تکمیل کدید، یک پیام میه که درخواست شیم درمو رسیده.

هروقت که حساب شیم آماده استفاده شد مو بلده شیم یک ایمیل ریی نیم.

ازو باد شیمو می تنید که کارا را توخ کیده بلده شی درخواست کنید.