Couple

Untitled Document

د ویکټوریا د دندو آنلاین هب (Jobs Victoria online hub)

د ویکټوریا د دندو آنلاین هب د دندې ته چمتو دندې لټوونکي د کارګومارونکو سره مخامخ کوي څوک چې د ځایی، دندې ځواک په لټون کې وي.

موږ تاسې سره پدې برخه کې کار کولی شو چې ستاسې د سوداګرۍ اړتیاوې وپیژنو او تاسې سره په ویکټوریا کې د صحیح مهارتونو او تجربې لرونکي خلکو موندلو کې مرسته وکړو.

د اوس نوم لیکنې تڼۍ –

د ننوتلو تڼۍ

دا څنګه کار کوي؟

تاسې کولی شئ په آنلاین هب کې وړ کارکوونکو ته د دندو اعلان لپاره نوم لیکنه وکړئ.

دندې باید:

  • په ایده آل ډول لږترلږه د 3 میاشتو لپاره یې، مګر د لنډې مودې موسمي دندې هم اعلان کې ورکول کیدی شي
  • د ټاکلي نرخ، یا د ساحې نرخ له مخې تادیه شي، هر کوم یو نرخ چې لوړ وي.

د آنلاین هب له لارې تاسې کولی شئ:

  • د دندو اعلان وځړوئ
  • لومړنۍ ارزونې وکړئ
  • د غوښتونکو یا نوماندانو بشپړ نوملړ څخه انتخاب وکړئ یا لنډ نوملړ ترلاسه کړئ.

زه څنګه پیل وکړم؟

د نوم لیکنې فورمه ډکه کړئ – د اړیکې او سوداګریزو تفصیلاتو سره.

کله چې ستاسې نوم لیکنه پروسس شي:

  1. موږ به تاسې سره د موجود فرصتونو په اړه غږیدو او ستاسې حساب تنظیم کې مرستې لپاره اړیکه ونیسو.
  2. تاسې کولی شئ د خپل شرکت پروفایل د لوګو، عمومي لید او ستاسې ویب پاڼې ته د لنکونو سره جوړ کړئ.
  3. بیا نو تاسې کولی شئ په هب کې د دندو اعلان خپرول پیل کړئ.

تخنیکي مرستې ته اړتیا لرئ؟

د آنلاین هب اړوند تخنیکي مرسته د سایډکیکر لخوا وړاندې کیږي: support@sidekicker.com.au یا 1800 882 694 شمیرې ته تلیفون وکړئ.

د کارګومارونکو لپاره ګټورې مقالې هم شتون لري چې د پیل په اړه وایی، څنګه د دندې اعلان وځړوئ او څنګه د دندې فرصتونه مدیریت کړئ.

نور کوم ملاتړ شتون لري؟

د آنلاین هب سربیره، د ویکټوریا دندې د دنده لټوونکو او کارګومارونکو د ملاتړ او نښلولو لپاره مناسب خدمات وړاندې کوي.

د ویکټوریا د دندو د استخدام شبکه (Jobs Victoria Employment Network )JVEN)) د ویکټوریا حکومت په دندو کې د استخدام اړوند خنډونو سره مخ کیدونکي د ویکټوریا اوسیدونکو سره مرستې لپاره لوی فعالیت دی. دا خدمات د استخدام متخصصینو لخوا وړاندې کیږي څوک چې د کارګومارونکو سره له نږدې کار کوي چې د دندې فرصتونه وپیژني او د دغه دندو لپاره د دندې لټوونکي چمتو کړي.

د ویکټوریا دندې او زموږ د شریکانو شبکه به ستاسې سوداګرۍ ته د کوم لګښت پرته ستاسې استخدام ملاتړ کړي. موږ به:

  • تاسې سره ستاسې سوداګرۍ لپاره اړین دقیق مهارتونو او تجربې پیژندلو کې کار وکړو
  • د دې اړتیاو سره سمون لرونکي مناسب نوماندان په ګوته کوو
  • انتخاب شوي دنده لټووونکو ته به د استخدام او کار چمتو والی ورکړو چې پدې کې حرفه ای روزنه، د مهارتونو لوړوالی او روزنه شامل دي.

موږ همدارنګه کولی شو د کار پیل کولو نه وروسته د هر نوي کارکونکي لپاره ملاتړ وړاندې کړو، ترڅو ډاډ لاسته راشي چې هغوی ستاسې کارځای ته ارام او هوسا لیږد ولري.

ستاسې سوداګرۍ کې زموږ د مرستې څرنګوالي په اړه نورو معلوماتو لپاره زموږ سره اړیکه ونیسئ.

تاسې همدارنګه کولی شئ خپله ځایی سیمه کې د ویکټوریا د دندو یو شریک ومومئ.