Alert icon

Läth warɛgakni rɛy kɛ kui̱ go̱rä lätni Victoria min lua̱kɛ kɛ yio̱w kumɛ ba gäk kɛ thaak 3 kɛ cäŋdäär, kɛ Ŋuaan lätni, cäŋkä 11 kä Pay Bädäk 2022.

Yio̱w Jobs Victoria

Yio̱w Jobs Victoria jɛn tho̱pɛ yio̱w ti $250 miliön tin ba cuɔl kɛ yuth yio̱o̱wni piny kɛ ɣöö bɛ ji̱ ko̱kä Victoria diaal luäk kɛ ɣöö bikɛ wä nhiam kɛ muɔ̱cdiɛn kɛ nɛy ti 10,000 lät ti gɔw ti thil diɛw.

Mi ɛ ji̱n raan Victoria mi go̱o̱r ɣöö bi naath moc lät, ɛn buɔ̱n in cɔal i̱ Yio̱w Jobs Victoria derɛ ji̱ luäk kɛ kui̱ yio̱o̱wni kɛ ɣöö bi nɛy tin thiɛl yio̱w kɛ kui̱ rikni ce̱tkɛ pandɛmik moc lät –
kɛ muɔ̱cdu kɛ la̱a̱t muktäbä lät kiɛ kɛ rëpdu kɛ thaakni nɛɛni tin lät ni wenkä.

Kɛn Yio̱w Jobs Victoria ca duɔ̱ɔ̱p rɔ̱ŋä kɛ muɔ̱c yio̱w nyɔk kɛ riet kɛ cäŋkä 16 kä Pay Wälkɛl 2021 kɛ ɣöö bi ji̱ ko̱kä ti ŋuan kɛnɛ nɛy ti görkɛ lät rɔ̱ lot i̱ bi kɛn kɛ jek.

Nën Yio̱o̱wni Jobs Victoria

Jobs Victoria kɛnɛ loc yio̱o̱wnidɛ piny ca rep a wä nikä $20,000 tin päär kɛ yio̱w tin naŋkɛ kɛ muɔ̱c ran la̱t kɛ pek päthni da̱ŋ 12 kiɛ kɛ ruɔ̱n.

Kɛ ɣöö bi rɔ̱ŋ kɛ ɣöö ba yio̱wku yuɔ̱th piny, lät bikɛ dhil räth kä thaakni da̱ŋ 19 kɛ juɔk kɛl
(kiɛ kuiy mi te läät kɛ riɛk puɔ̱ɔ̱nydɛ kiɛ go̱o̱rɛ ɣöö ba yop gua̱thni diaal).

Pek yio̱o̱wni tin ba yuɔ̱th piny tin deri thiec kɛ pek ni̱ni yio̱o̱wni tin thöpkɛ biɛ lar pek la̱tdu.

Duundɛ ɣöö pek mi ce̱tkɛ 60 kä kuɔ̱r rɛy lätni tin lua̱kɛ ɛ Jobs Victoria Fund bɛ la duŋ mään, min nyooth rik tin ci pandɛmik kɛ nööŋ kɛɛl kɛ rɔɔdɛ kɛ jekdiɛn kɛ dup kɛnɛ lät.

Kɛ ɣöö bi rɔ̱ŋ kɛ yuth yio̱o̱wni piny kä ji̱, bi raan dhil moc la̱t kä nɛy kiɛ bun tin ci pandɛmik kɛ cuc ɛlɔ̱ŋ.

  • Ji̱ Aboriginal kɛnɛ/kiɛ ji̱ Torres Strait Island
  • nɛy tin görkɛ lät tin ca ciöötkiɛn gɔ̱r kä Jobs Victoria Mentor kɛnɛ lätkɛ
  • nɛy tin /ka̱n moc lät kɛ päth bäkɛl kiɛ päth ti ŋuan
  • nɛy tin pay cop röli kɔ̱kiɛn ti /ci ruac kɛ Thok Liŋli̱thni
  • män ti ci runkiɛn 45 cop a wä nhiam
  • nɛy ti görkɛ ciaaŋ ro̱o̱lan/rɔmɛji̱i̱th
  • nɛy ti tekɛ bum
  • ram tekɛ gaat kä thil ciek kiɛ cɔw
  • dëcni
  • wutni kɛnɛ nɛy kɔ̱kiɛn ti /ci jɔc ala män ti ci runkiɛn 45 cop a wä nhiam
  • ŋuɛ̈tni ti /kän runkiɛn 25 cop
  • nɛy ti ci kɔn lät kiɛ ŋot kɛ la̱t ɛn täämɛ kɛ Lät Victoria diaal kɔ̱kiɛn.

Mi ci jɔɔc ɛn ɣöö rɔ̱ŋi kä ci tin diaal tin nyuɔthkɛ rɔ̱ŋdu nööŋ, kä ba ji̱ moc yio̱w, ce̱tkɛ pek yio̱o̱wni tin te wa̱nɔ kɛnɛ ŋuɔ̱t diaal tin görkɛ rɔ̱ kɛ kui̱ yio̱o̱wni.

La̱tdä rɔ̱ŋɛ kɛ ɣöö dëë gɔ̱a̱r piny kä Jobs Victoria Fund?

Kɛ ɣöö biɛ ŋa̱c ɛgɔa mi lotdɛ rɔ ɛn ɣöö ba ji̱ luäk kɛ Yio̱w, cɔl Jobs Victoria hotline.

Ɛn Jobs Victoria hotline jɛn lätdɛ kɛɛl kɛ buɔ̱n in cɔal i̱ National Translation and Interpreting Service (TIS), 131 450, kɛ luɔ̱c thukni kɛnɛ luɔ̱c ruac kɛ thuk ti leny pekdiɛn 150.

Ji̱n deri Jobs Victoria Hotline cɔl kɛ pɛ̈th kɛ 1300 208 575 kam 9am kɛnɛ 5pm Jiëc La̱t a wä kä Dhieec Lätni kä bi nɛy yɛ mat yɛnɛ ji̱ TIS, kiɛ cɔl TIS kɛ 131 450 kä bi kɛn ji̱ jakä ruac kɛ nɛɛkɔ tin lät kɛ talɛpoon baaŋ. Luɔ̱c ruac kä TIS kɛn bä dëë gua̱a̱th rialikä kɛ ɔnlany, duundɛ ɣöö luɔ̱c ruac kɛ pɛ̈th kä talɛpon ca rialikä kɛ TIS 131 450.

Lääri ti ŋuan kɛn ɛ thi̱n wa̱nɛmɛ: www.tisnational.gov.au

Ɣän bä ciötdä gɔ̱a̱r piny idi?

Tho̱pni warɛgakniku ɔnlany kɛ wädu kä “Apply Now” kuat ɛ te piny ɔ

Apply now

Mi ci ciötdu gɔ̱a̱r piny ala ram mooc naath lät kä deri rɔ luɔ̱c warɛgak in te thi̱n kiɛ deri warɛgak dɔ̱diɛn nyɔk kɛ tho̱p:

Wër rɛc

Luäk mucä lätni

Luäk ca rialikä kɛ ɣöö ba ji̱ luäk kɛ jekdu kɛ ɣöö ba ji̱ moc lät kiɛ deri naath jek tin bi moc la̱t tin görkɛ lät kä bun tin görkɛ.

Gɔ̱ri ciötdu piny kä Jobs Victoria ɔnlany ɣa̱p

Ɛn Jobs Victoria ɔnlany ɣa̱p puɔlɛ, kä ɛ duŋ lɔrä kä thia̱k la̱tdɛ kɛ jekdu kɛ nɛy ti görkɛ lät tin ŋa̱ckɛ lätni kä tin go̱o̱ri naath kɛ. Ji̱n deri ciöt la̱t ko̱kädu gɔ̱a̱r piny, kä deri lät nyuɔth kä deri nɛy ti rɔ̱ŋ kɛ lätnidiɛn cu jek tin cieŋ kɛɛl kɛ ji̱ gua̱th ciɛɛŋädu.

Deri rɔ gɔ̱a̱r piny kä Jobs Victoria ɔnlany ɣa̱p.

Ji̱n bä deri lät tin görkɛ nyuɔth gua̱th lääri kɛ ɣöö bi nɛy tin görkɛ lät jek nɛy tin te kä bun
tin nhiam ce̱tkɛ nɛy tin cuc. Kɛ ɣöö bi nɛmɛ jakä lät ji̱n ruacni kɛ info@jobs.vic.gov.au kiɛ 1300 208 575.