ܠܡܲܬܹ̈ܐ ܕ Jobs Victoria ܟܹܐ ܣܵܢܹܕ ܠܐ݉ܢܵܫܹ̈ܐ ܕܛܲܥܝܼ ܒܵܬ݉ܪ ܫܘܼܓܼܠܵܐ ܘܟܹܐ ܡܲܡܛܹܐ ܠܡܲܦܠܸܚܵܢܹ̈ܐ ܥܲܡ ܦܵܠܵܚܹ̈ܐ ܕܣܢܝܼܩܹ̈ܐ ܝܢܵܐ ܥܲܠܲܝܗܝ

ܠܡܲܬܹ̈ܐ ܕ Jobs Victoria

(Jobs Victoria Advocates) ܟܹܐ ܣܵܢܕܝܼ ܐ݉ܢܵܫܹ̈ܐ ܕܒܼܸܟܬܘܿܪܝܵܐ ܕܟܹܐ ܛܲܥܝܼ ܒܵܬ݉ܪ ܫܘܼܓܼܠܵܐ ܓܵܘ ܟܢܘܼܫܝܵܬܹ̈ܐ ܡܲܗܲܠܵܝܹ̈ܐ ــ ܓܵܘ ܒܵܬܲܝ̈ ܐܲܪ̈ܟܹܐ، ܩܸܢܛܪ̈ܘܿܢܹܐ ܕܟܢܘܼܫܬܵܐ، ܒܵܬܲܝ̈ ܣܡܵܟܼܹ̈ܐ ܕܐܲܬܠܝܼܛܘܼܬܵܐ، ܩܸܒܘܼܝܵܬܹ̈ܐ ܕܡܲܫܟܲܢܬܵܐ ܥܲܡܡܵܝܬܵܐ ܘܩܸܢܛܪ̈ܘܿܢܹܐ ܕܫܘܼܩܵܐ ـ ܩܵܐ ܡܲܡܛܵܝܬܵܐ ܕܐ݉ܢܵܫܹ̈ܐ ܒܡܵܘܕܥܵܢܘܼܬܵܐ، ܣܢܵܕܬܵܐ ܘܬܲܠܡܲܕܬܵܐ ܠܚܝܼܡܬܵܐ ܥܲܡܲܝܗܝ. ܣܢܹܐܓܼܪܹ̈ܐ ܕܕܝܼܲܢ ܦܝܼܫܹ̈ܐ ܝܢܵܐ ܩܘܼܒܠܹ̈ܐ ܒܫܲܝܢܵܐ ܒܫܘܼܬܐܵܣܹ̈ܐ ܓܵܘ ܟܠܹܗ ܐܘܼܚܕܵܢܵܐ. ܗܲܡܙܸܡܘܼܢ ܥܲܡ ܚܲܕ ܡܼܢ ܫܘܼܬܐܵܣܹ̈ܐ ܡܲܫܪܸܝܵܢܹ̈ܐ ܕܣܕܝܼܪܹ̈ܐ ܝܢܵܐ ܥܲܠ ܚܲܪܝܼܛܵܐ ܕܝܼܲܢ (listed on our map) ܩܵܐ ܕܡܲܫܟܼܚܝܼܬܘܿܢ ܐܝܼܡܲܢ ܘܐܲܝܟܵܐ ܝܢܵܐ ܦܠܵܚܵܐ ܣܢܹܐܓܼܪܹ̈ܐ.

ܡܗܲܕܝܵܢܹ̈ܐ ܕ Jobs Victoria (Jobs Victoria Mentors) ܟܹܐ ܗܲܝܸܪܝܼ ܩܵܐ ܐ݉ܢܵܫܹ̈ܐ ܕܗܵܘܝܼ ܗܵܙܹܪ ܩܵܐ ܫܘܼܓܼܠܵܐ، ܡܲܫܟܼܚܝܼ ܚܲܕ ܫܘܼܓܼܠܵܐ ܕܠܵܚܹܡ ܥܲܡܲܝܗܝ، ܘܣܵܢܕܝܼ ܠܗܘܿܢ ܓܵܘ ܓܲܪܲܝܗܝ ܓܵܘ ܡܸܬܚܵܐ ܕܐܸܫܬܵܐ ܝܲܪ̈ܚܹܐ ܩܲܕܡܵܝܹ̈ܐ.Jobs Victoria Partners ܚܲܒܝܼܪܹ̈ܐ ܝܢܵܐ ܒܦܠܵܚܬܵܐ ܥܲܡ ܡܲܦܠܸܚܵܢܹ̈ܐ ܡܲܗܲܠܵܝܹ̈ܐ ܩܵܐ ܪܫܵܡܬܵܐ ܕܣܢܝܼܩܘܼܝܵܬܹ̈ܐ ܕܒܸܣܢܝܼܣܲܝܗܝ، ܘܡܗܲܕܝܵܢܹ̈ܐ ܟܹܐ ܡܲܡܛܝܼ ܡܲܦܠܸܚܵܢܹ̈ܐ ܒܦܲܠܵܚܹ̈ܐ ܡܓܘܼܒܝܹ̈ܐ ܕܐܝܼܬܠܗܘܿܢ ܡܗܝܼܪ̈ܘܼܝܵܬܹܐ ܠܚܝܼܡܹ̈ܐ ܘܡܨܵܝܬܵܐ ܕܦܵܠܚܝܼ ܓܵܘ ܒܸܣܢܝܼܣܲܝܗܝ.

ܡܲܠܘܿܟܼܹ̈ܐ ܕܐܘܼܡܵܢܘܼܬܵܐ ܕ Jobs Victoria (Jobs Victoria Career Counsellors) ܟܹܐ ܡܲܩܪܸܒܼܝܼ ܡܗܲܕܝܵܢܘܼܬܵܐ ܕܐܘܼܡܵܢܘܼܬܵܐ ܩܵܐ ܐ݉ܢܵܫܹ̈ܐ ܕܛܲܥܘܼܝܹܐ ܝܢܵܐ ܒܵܬ݉ܪ ܫܘܼܓܼܠܵܐ ܝܲܢ ܡܲܚܘܼܒܹܐ ܝܢܵܐ ܕܫܲܚܠܸܦܝܼ ܠܐܘܼܡܵܢܘܼܬܲܝܗܝ. ܟܹܐ ܗܲܝܸܪܝܼ ܩܵܐ ܐ݉ܢܵܫܹ݁̈ܐ ܕܦܲܪܡܝܼ ܓܘܼܒܵܝܹ̈ܐ ܕܐܘܼܡܵܢܘܼܬܲܝܗܝ ܘܝܵܗܒܼܝܼ ܠܗܘܿܢ ܗܲܓ̰ܲܬܹ̈ܐ ܘܚܲܬܝܼܬܘܼܬܵܐ ܕܣܢܝܼܩܹ̈ܐ ܝܢܵܐ ܥܲܠܲܝܗܝ ܕܬܲܒܥܝܼ ܠܗܘܿܢ.

ܩܸܢܛܪܘܿܢ ܕܥܲܠ ܐܸܢܬܸܪܢܸܬ ܕ Jobs Victoria (Jobs Victoria online hub) ܝܼܠܵܗܿ ܚܕܵܐ ܚܸܠܡܲܬ ܡܲܓܵܢܵܝܬܵܐ ܕܡܲܠܚܸܡܵܐ ܡܲܦܠܸܚܵܢܹ̈ܐ ܥܲܡ ܦܲܪܨܘܿܦܹܐ ܡܓܘܼܒܝܹ̈ܐ، ܡܗܝܼܪܹ̈ܐ ܘܡܲܗܲܠܵܝܹ̈ܐ. ܐ݉ܢܵܫܹ̈ܐ ܕܛܲܥܘܼܝܹܐ ܝܢܵܐ ܒܵܬ݉ܪ ܦܘܼܠܚܵܢܵܐ ܡܵܨܝܼ ܡܣܲܓܼܸܠܝܼ ܘܩܲܕܸܡܝܼ ܩܵܐ ܓܲܪܹ̈ܐ ܡܫܘܼܕܪܹ̈ܐ ܒܝܲܕ ܡܲܦܠܸܚܵܢܹ̈ܐ ܓܵܘ ܦܢܝܼܬܲܝܗܝ ܡܲܗܲܠܵܝܬܵܐ. ܡܲܦܠܸܚܵܢܹ̈ܐ ܡܵܨܝܼ ܛܲܥܝܼ ܒܵܬ݉ܪ ܦܲܪܨܘܿܦܹ̈ܐ ܡܓܘܼܒܝܹ̈ܐ ܘܡܗܝܼܪܹ̈ܐ ܕܗܵܙܹܪ ܓܵܘ ܟܢܘܼܫܬܲܝܗܝ.

ܨܲܢܕܘܼܩܵܐ ܕܥܘܼܕܪܵܢܵܐ ܕ Jobs Victoria (Jobs Victoria Fund) ܟܹܐ ܡܲܩܪܸܒܼ ܩܵܐ ܒܸܣܢܝܼܣܹ̈ܐ ܕܓܵܘ ܒܼܸܟܬܘܿܪܝܵܐ ܣܢܵܕܬܵܐ ܕܥܘܼܕܪܵܢܵܐ ܕܡܘܼܥܵܫܵܐ ܗܲܠ $20,000 ܩܵܐ ܟܠ ܦܵܠܵܚܵܐ ܚܫܝܼܚܵܐ. ܒܐܵܗܵܐ ܣܢܵܕܬܵܐ ܙܘܼܙܵܢܵܝܬܵܐ، ܡܲܦܠܸܚܵܢܹ̈ܐ ܡܵܨܝܼ ܡܲܦܠܸܚܝܼ ܒܐܲܓܼܪܵܐ ܐ݉ܢܵܫܹ̈ܐ ܩܵܐ ܕܗܲܝܸܪܝܼ ܕܡܲܢܬܝܼ ܒܸܣܢܝܼܣܹ̈ܐ ܕܕܝܼܲܝܗܝ.

ܚܘܼܛܵܐ ܫܲܚܝܼܢܵܐ ܕ Jobs Victoria 1300 208 575 ܟܹܐ ܡܲܩܪܸܒܼ ܢܵܨܝܼܗܲܬ ܘܡܵܘܕܥܵܢܘܼܬܵܐ ܒܐܘܼܪܚܵܐ ܕܬܹܠܹܦ̮ܘܿܢ ܩܵܐ ܐ݉ܢܵܫܹ̈ܐ ܕܛܲܥܘܼܝܹܐ ܝܢܵܐ ܒܵܬ݉ܪ ܫܘܼܓܼܠܵܐ ܘܩܵܐ ܡܲܦܠܸܚܵܢܹ̈ܐ ܛܲܥܘܼܝܹܐ ܝܢܵܐ ܒܵܬ݉ܪ ܦܵܠܵܚܹ̈ܐ.

ܐܸܢ ܣܵܢܩܝܼܬܘܿܢ ܠܬܲܪܓܡܵܢܵܐ، ܡܵܨܝܼܬܘܿܢ ܡܲܚܒܸܪܝܼܬܘܿܢ ܩܵܐ ܚܘܼܛܵܐ ܫܲܚܝܼܢܵܐ ܕ Jobs Victoria 1300 208 575 (ܡܼܢ ܣܵܥܲܬ 9 ܒܩܲܝܕܵܡܬܵܐ ܗܲܠ ܣܵܥܲܬ 5 ܒܪܲܡܫܵܐ، ܬܪܹܝܒܼܫܲܒܵܐ ܗܲܠ ܥܪܘܼܒܼܬܵܐ) ܘܒܸܕ ܡܲܡܛܸܝܲܚ ܠܵܘܟܼܘܿܢ ܒܚܸܠܡܲܬ ܐܘܼܡܬܵܝܬܵܐ ܕܬܲܪܓܲܡܬܵܐ ܘܦܲܫܲܩܬܵܐ (Translating and Interpreting Service National) (TIS)، ܝܲܢ ܡܲܚܒܸܪܝܼܬܘܿܢ ܩܵܐ TIS ܥܲܠ ܡܸܢܝܵܢܵܐ 131 450 ܘܐܵܢܝܼ ܒܸܕ ܡܲܚܒܸܪܝܼ ܩܵܐ ܚܘܼܛܲܢ ܫܲܚܝܼܢܵܐ.